كابوس الثانوية العامة

جملة "ثانوية عامة" جملة كفيلة لإدخال الرعب على قلبك وقد يتمنى الطلبة و الطالبات إلا تمر السنوات عشان مايدخلش ثانوية عامة و نفس الكلام لآولياء الامور لأنها كارثة مادية لهم .

·       اولا : يعنى اية ثانوية عامة ؟

هى مرحلة اتمامك لدراستك فى التعليم قبل الجامعى

·       ثانيا : لية لازم اخد دروس ؟

عشان تعرف طرق الأسئلة و شكلها فى الامتحانات و كمان عشان تجيب مجموع يدخللك الكلية اللى نفسك تدخلها .

ثالثا : و طبعا الثانوية العامة مثل اى سنة دراسة من ناحية التلقين و الحفظ أى انك تحفظ اكبر قدر  من المنهج و المعلومات فى اى مادة و فى النهاية بتكتب كل اللى انت حفظته فى ورقة الاجابة و النتيجة انك مش بتستفاد بيه فى الحياة و بيتنسى .

و كل دة بسبب وزارة التربية و التعليم و مناهجها العقيمة فى كل المراحل الدراسة التى تعتمد على الحفظ و التلقين  فهذة المناهج تحتوى على الكثير من الحشو و معلومات لا يستفيد بها الطالب و مش مفيدة لة و مملة حتى عندما يتم تحديث المناهج يظل الحشو موجودا للأسف.

رابعا : و كما قلت فى البداية ان الثانوية العامة كارثة لاولياء الامور  هى ليست كارثة مادية فقط بل انها ازمة اقتصادية لهم و الوزارة لا تراعى كم من المال يصرفه رب المنزل على أولاده اللى فى الثانوية العامة و اتمنى ان الوزارة تلقى نظرة على المناهج التعليمية لكل المراحل و خاصة المرحلة الثانية من الثانوية العامة فى الأعوام القادمة و تزيل كمية الحشو اللى موجودة فى المناهج .

و اخيرا  ,

أرجو ان تدعو الله لى ان يوفقنى السنة دى و أدخل الكلية اللى عايزة ادخلها و اخلص من كابوس الثانوية العامة .